monumenta.ch > Notkerus Balbulus > csg456.136 > QUAM PRINCEPS MOTU SUO DIRIGIT. > VIIII. FORMULA COMITIVAE PORTUS URBIS ROMAE. > sectio 7 > sectio 21 > sectio 46 > csg456.346 > sectio 2 > sectio 11 > XVIII. ANNAE V̅ · S̅ · COMITI THEODERICUS REX. (a. 507/511) > csg456.162 > 240 > 301 > 312 > 100 > sectio > csg456.116 > 202 > sectio 7 > sectio 17 > sectio 5 > csg68.283 > sectio 7 > sectio 36 > csg75.720 > bsbClm6224.56 > csg456.76 > csg51.112 > uwbM.p.th.q.1a.127 > sectio 31 > sectio 18 > sectio 41 > bsbClm6224.178 > XLVI. MARABADO V̅ · T̅ · THEODERICUS REX (a. 507/511) > sectio 13 > XVI. SENATUI URBIS ROMAE THEODERICUS REX(a. 509/511)
Cassiodorus, Variae, LIBER QUARTUS, , XV. BENENATO V̅‧ S̅‧ THEODERICUS REX. (a. 507/511)) <<< >>> XVII. IBBAE VIRO SUBLIMI DUCI THEODERICUS REX. (a 508/511)
Cassiodorus, Variae, LIBER QUARTUS, XVI. SENATUI URBIS ROMAE THEODERICUS REX(a. 509/511)
1 (Utilitatis publicae causa, quam noster animus semper aspcctat, viruni illustrem comitem Arigernum civem paene vestrum dudum ad Gallias aestimavimus dirigendum, ut eins maturitate consilii titubantium potuissent corda firmari.2 novitatem quippe sollicitam prudentes convenit habere rectores, ut quemadmodum fuerit vitae formatus ordo, sic currat instituta devotio.3 his rebus ad nostra vota compositis et gloriam civilitatis retulit et quod inter vos didicit diligenter ostendens et bellorum insignia reportavit.4 Quem desideratum, sicut putamus, coetui vestro reddidimus, ut qui vobis longa aetate placuit, nunc gratior fiat, cum eum adiecta bona commendant.5 quapropter disciplinae se praefati viri Romanus ordo restituat et quod quietis amore praccipitur, devotis animis impleatur: quatenus et excessibus tollatur licentia et quod optamus maxime, locum nequeat invenire vindicta.6 Si qua etiam per eius absentiam culpa provenit, inter vos iustitiae consideratione corrigite, sicut nobilitati vestrae convenit agere, cui semper probitas placet: quoniam nos specialiter iniunxisse cognoscite, ut error, qui ab auctoribus suis minime fuerit emendatus, legum districtione resecetur.7 pareatur ergo, patres conscripti, viro multis temporibus iam probate, cui necesse est praedicanda sequi, qui se hactenus sub vestra omnium laude tractavit et in tanta frequentia nullius repperit adversa iudicia.
Cassiodorus HOME
bnf2923.194